Një 25-vjeçar ka humbur jetën pasi makina që drejtonte është përplasur me një derr të egër në Greqi.
Makina, të cilën 25-vjeçari e drejtonte në rrugën provinciale Volou – Farsala, është përplasur me një derr që ndodhej në gjendje gjysmë të ngordhur në rrugë, pasi ishte goditur më parë nga një mjet tjetër që lëvizte në drejtim të kundërt.
Automjeti ka devijuar në të djathtë të rrugës dhe ka përplasur një mur betoni duke u përmbysur në rrugë.
Trupi i pajetë i 25-vjeçarit është transportuar me autoambulancë të E.K.A.B. në Spitalin e Përgjithshëm të Volos.
Është urdhëruar ekspertiza mjeko-ligjore, ndërsa po hetohen shkaqet e sakta të aksidentit rrugor, ndërsa hetimet paraprake po kryhen nga Drejtoria e Qarkullimit në Volos.
