Gjyqtarja kolumbiane, e cila pozon rregullisht me të brendshme në rrjetet sociale, është pezulluar për tre muaj pasi është shfaqur gjysmë e zhveshur gjatë seancës dëgjimore në Zoom COURT.
Një gjyqtare kontroverse në Kolumbi, e cila pavarësisht detyrës së rëndësishme në goditjen e krimit pozon edhe me bikini që i lënë pak vend imagjinatës në Instagram, është pezulluar së fundmi nga detyra për tre muaj pasi u shfaq gjysmë e zhveshur në shtrat dhe duke pirë duhan gjatë një seance gjyqësore në “Zoom”.
Vivian Polania fiki kamerën e laptopit pasi u paralajmërua nga një prej të pranishmëve se po filmohej teksa ishte veshur vetëm me të brendshme minimaliste që i tregonin hiret femërore, por videoja prej 33 sekondash u bë virale më pas.
Një avokat bëri një ankesë zyrtare, duke ndezur një hetim që çoi në një komision disiplinor që i tha 34-vjeçares të varte rrobat e saj prej anëtareje të Togave të zeza deri në mes të shkurtit.
Sekuenca u filmua gjatë një seance dëgjimore për të përcaktuar nëse një person i arrestuar për një sulm terrorist ku u përdor një “makinë-bombë” në qershor të vitit të kaluar duhej ose jo të lirohej me kusht.
Një qytetar kolumbian që postoi pamjet në Twitter tha: “Një video e ËhatsApp po bën xhiron e rrjetit dhe Vivian Polania, e cila punon në Pallatin e Drejtësisë në Cucuta duket se po merr pjesë në një seancë nga shtrati i saj, gjysmë-lakuriq dhe duke pirë duhan. Unë nuk e di nëse kjo mund të çojë në një lloj sanksioni, por padyshim që do të shkaktojë polemika”.
Duke shpallur vendimin e pezullimit, Komisioni Kombëtar i Etikës Gjyqësore të Kolumbisë tha në një vendim me shkrim: “Ne nuk gjejmë asnjë justifikim që gjyqtarja të ishte paraqitur në kushte kaq të mjerueshme kur ajo kishte pajisjet e shtëpisë së saj dhe të gjithë lehtësitë e nevojshme për t’u përgatitur për një seancë publike siç duhet dhe me respektin që meritonte një seancë e tillë“.
Justicia casi al desnudo y relajada.
Vivian Polania, jueza de Garantías de Cúcuta, en audiencia. pic.twitter.com/KqBKZmy79a— Melquisedec Torres (@Melquisedec70) November 17, 2022
Vendimi vjen dy vjet pasi Vivian foli kundër kritikëve të cilët e sulmuan atë për fotot që ajo postoi në mediat sociale ku tregonte muskujt pas palestre, tatuazhet në shpinë dhe format bombastike me veshje si të modeleve të Victoria Secret.
Publikimi i fotove në mediat kolumbiane bëri që shefat e saj t’i vërsuleshin me kritika, duke i komunikuar se ajo po rrezikonte administrimin e drejtësisë duke ndikuar në besimin e publikut në aftësitë e saj për të bërë punën siç duhet.
Raportet në atë kohë thanë se ajo ishte vënë nën hetim pasi ndau fotografi të nxehta me publikun.
Vivian u përgjigj duke këmbëngulur se do të vazhdonte të postonte foto të guximshme në Instagramin e saj, ku ajo e përshkruan veten si një vajzë “pa sytjena dhe mendjehapur”.
“Jo të gjithë gjyqtarët, avokatët dhe punonjësit e tjerë të shtetit janë të njëjtë. Ajo që vesh dhe shfaq në rrjetet e mia sociale është vendimi im dhe nuk do të ndryshoj asgjë”, shkruante asokohe gjyqtarja.
