Një shqiptar është dënuar me tre vite burg në Skoci, pasi u kap me kanabis me vlerë prej afro 100 mijë paund.
Mediat e huaja bëjnë me dije se, 24 vjeçari Robert Sulollaraj, po udhëtonte nga Newcastle i Anglisë drejt Glasgoë të Skocisë kur policia ndaloi makinën pasi vërejti disa manovra të çuditshme.
Por kur oficerët iu afruan Volkswagen Golf-it ata u ‘mbytën’ nga era e kanabisit. Pas kontrollit në makinë u gjetën 9.7 kg drogë të klasës B, e cila sipas ekspertëve do të vlente 97,000 £.
Në posedim të shtetasit shqiptar Sulollaraj iu gjetën gjithashtu dy celularë dhe një leje drejtimi false. Një iPhone u analizua nga oficerët të cilët zbuluan një varg mesazhesh me tekst, foto dhe video që e lidhin atë me tregtinë e drogës.
Përdoruesi i vetë-rrëfyer i kanabisit Sulollaraj mohoi çdo akuzë pra trupës gjykuese. Ai këmbënguli se kishte udhëtuar në Skoci me kushëririn e tij 25-vjeçar për të blerë një makinë të re dhe nuk kishte vënë re asnjë erë në automjet, por shfajësimi i tij nuk i bindi.
Ai u shpall fajtor edhe për posedimin e patentës së shoferit false, duke u dënuar me tre vite burg.
“Kur u kontrollua makina, dëgjova oficerin e policisë duke thënë ‘bingo’. Nuk e besova sepse nuk dija për drogën. Kisha tymosur kanabis, por nuk e dija se kishte kanabis në makinë dhe nuk ndjeja erë asgjë përpara se policia të më thoshte se ishte aty”, ka thënë ai.
Burimi: Dailyrecord.co.uk
