Kreu i PD-së, Sali Berisha zbuloi në konferencën e përjavshme me gazetarët se për protestën e 6 dhjetorit kanë njoftuar edhe policinë, por përgjigja që kanë marrë është e diktuar nga kryeministri Rama.
“PD është parti e shtetit ligjor, ka njoftuar policinë. Kushtetuta e Shqipërisë dhe Gjykata Kushtetuese kanë vendosur, është krejtësisht i panevojshëm autorizimi i policisë.
Ne kemi njoftuar. Cila është përgjigja? Ajo që dikton Edi Rama, që bëri gjithçka dhe kujtoi se me këtë rast, do shfrytëzojë samitin për të shtypur liritë dhe të drejtat e popullit opozitar, ne e kishim parashikuar, prandaj thirrëm protestë”-tha Berisha.
I pyetur nëse ka marrë mbështetjen e Metës për protestë, Berisha tha: “Plotësisht, të plotë. Në ndjesitë e mia, kjo është thirrje që është mirëpritur më shumë nga qytetarët në gjithë karrierën time politike. Pse? E gjeni vetë ju”.
