Kryetari i Partisë Demokratike, Sali Berisha së fundmi ka folur për aktualitetin politik në Kosovë, raportet e Ramës me Vuçiç dhe përpjekjet për marrëveshjen për targat.
I ftuar në një nga televizionet e Kosovës, Berisha tha se me Vuçiç njohja e Kosovës është e largët për të mos thënë e pamundur, ndërkohë që ai shtoi se kjo nuk mund të pengojë krijimin e marrëdhënieve fqinjësore mes dy vendeve.
Berisha e konsideroi Vuçiçin zgjatimin e Milosheviçit dhe të mbështetur fort nga Edi Rama.
Më tej, ai tha se Kosova nuk ka asnjë borxh për Serbinë, por kjo e fundit i ka shumë borxhe Kosovës për të gjitha bëmat që ka bërë.
Ndërkohë marrëveshjen për targat, Berisha e quajti veprim të zgjuar të Kurtit.
Për të kaluar më pas tek plani franko-gjerman, për të cilin u shpreh se nuk e njeh mirë, por ka frikën se mos do e kthej Kosovën të ket fatin e dy gjermanive.
“Vuçiç u rikthye plotësisht në platformën e Milosheviçit. Vuçiç i mbështetur fuqimisht nga Rama, kërkonte të merrte diçka plus nga Kosova së cilës ai i ka borxhe qindra million euro me dëmet që i ka krijuar. Kosova nuk ka asnjë borxh ndaj Serbisë. Ai i përdori këto. Kosova refuzoi Balkanin e Hapur, ndryshimin e kufijve.Pas kaq vitesh çështja doli në sfidë. Nuk mund të kemi shmangie, aq më tepër zgjidhja. Duhet ecur drejt zgjidhjes, sepse Putini sunon një konflikt tjetër në Ballkan. Rasti i targave në faqe të parë nuk janë shumë të rëndësishme, por në themel janë e drejta e një qeveria për të vendosur ligjin në territorin e saj dhe këtë nuk e pranon Milosheviçi.
Ti kërkosh Kosovës që të mos zbatojë qëndrimin për target është një padrejtësi, por këtu ka një problem në aparencë, por kjo nuk duhet të pengojë marrëveshjen, e cila si marrëveshje ekziston në platofrmën e marrëveshjes së përgjithshme të vitit 2013. Për mendimin tim Albin Kurti mendoi drejt. Nuk mund të bëheshin target një fakt që të çonte dhe njëherë pas procesin e përgjithshëm të negociatave. Tani është edhe një plan ai Franko-Gjerman për të cilin unë nuk kam shumë njohuri, por vetëm aq sa kam parë në media. Por ngjason me marrëveshjen e 2013. Ka një defekt dhe ai është modeli i dy Gjermanive. Është frika se mos ndoshta nga ky plan Kosova të pësoj fatin e dy Gjermanive, por se besoj se Macron e lejon këtë gjë. Unë kam mbështetur marrëveshjen e Shtëpisë së Bardhë. Nuk parashikone njohjen, por ajo ishte e mbështetur në marrëveshjen e Abrahamit. Projekti aktual nuk jep maksimumin që do të donin shqiptarët”, tha Berisha.
Pyetje: Pjesë e kësaj marrëveshjës është asociacioni të Komunave serbe. Çfarë mendoni?
Berisha: Jam kundër çdo asociacioni. E drejta e kësaj mund të jetë e drejta e parë organizative që buron nga liria. Në këtë kontekst nuk shoh asnjë pengese për krijimin e një asociacioni në përputhje me Kushtetutën e Kosovës. Asociacioni nuk hedhur poshtë nga gjykata por është hedhur ajo pjesë që cënon integritetin.
Pyetje: Kosovës çfarë duhet të pranojë për të shkuar në një marrëveshje finale me njohje reciproke? A duhet të kemi kujdes nga kurthet?
Berisha: Nuk është realiste që Serbia të detyrohet të njohë Kosovën, por të detyrohet të normalizojë marrëdhëniet dhe të sillet si fqinjë me të. Serbisë i janë bërë të qartë nga kancelari Scholz kur i ka thënë se nëse do të anëtarësoshesh në BE duhet të njohësh Kosovën. Me Vuçiç nuk ka të ngjarë të njoh Kosovën, por kjo nuk do të thotë se nuk do të ketë një udhëheqje tjetër në Serbi që të korrigjojë gabimet, por deri sa të vijë ky moment ne duhet të bëjmë përpjekje për të jetuar në normalitet me fqinjët.
