Në Spitalin Rajonal të Beratit ka mungesë të mjekëve specialistë.
Drejtorja, Anila Kala thotë se ky institucion ka nevojë urgjente për mjekë neurologë, pediatër dhe reanimatorë.
“Kemi nevojë për mjekë reaminator, kemi nevojë dhe për një neurolog. Për shkak të largimit të një mjeku pediatër në specializim kemi vakancë edhe në pediatri.”
Për reanimatorë nevoja është më e madhe. Ndodh që rastet e ndërlikuara që transportohen me urgjencë drejt Tiranës të mos shoqërohen nga mjekë të tillë.
“Ne i kemi mjekët reaminator por sipas organikës që kemi 3 mjekë reaminatorë në organikë do të ishte mirë të na konsideronin. Ka raste që shkojnë drejtë ekstremit dhe është e nevojshme që mjeku reaminator ti shoqërojë. Na ndodh ndonjëherë që dhe infermieri me konsultimin e mjekut specialist ta bëjë mirë këtë gjë.”
Nga Berati drejt QSUT-së dërgohen çdo muaj thuajse 100 raste. Pjesën më të madhe e zënë.
“Gati 20-30 për qind të rasteve ndoshta dhe pak më shumë e zënë të sëmurët kardiak jo për mungesë specialisti por për ndërhyrje të specializuara në QSUT.”
Mungesa e mjekëve specialistë është një nga problemet më të mëdha që po ndeshin spitalet në të gjithë vendin.
Në shumë raste pacientët detyrohen t`i drejtohen Tiranës e të presin gjatë për të kryer vizitën e planifikuar apo të shkojnë në spitalet private për të marrë shërbimin që u duhet.
/Ora News/
