Presidenti ukrainas Volodymyr Zelensky ka akuzuar Rusinë për krime kundër njerëzimit pasi një breshëri e re raketore shkaktoi ndërprerje të energjisë elektrike në të gjithë Ukrainën.
Ai i tha Këshillit të Sigurimit të OKB-së se terrori rus ka detyruar miliona njerëz të qëndrojnë pa energji, pa ujë dhe në të ftohtë nën zero. Presidenti ukrainas kërkoi që Këshillit të Sigurimit të OKB-së të ndërmarrë masa ekstreme ndaj Kremlinit.
“Ne presim një reagim shumë të fortë të botës ndaj terrorit rus. Duam përgjigjen e miqve tanë, jo vetëm si vëzhgues, por një reagim nga të gjithë ata që e njohin vërtet Kartën e OKB-së. Ne nuk mund të jemi peng i një terroristi ndërkombëtar. Ne kemi nevojë për vendimet tuaja”, ka thënë Zelensky.
Më shumë se dy të tretat e kryeqytetit ukrainas janë ende pa energji dhe ujë të pijshëm, një ditë pasi sulmet me raketa ruse shkaktuan terr të në të gjithë Kievin.
Ambasadorja e SHBA-së në OKB, Linda Thomas-Greenfield, ka bërë të ditur se presidenti rus Vladimir Putin po i përdor sulmet në infrastrukturën energjetike për të shkaktuar vuajtje në masë.
“Duke luftuar në fushën e betejës, Moska tani po miraton një strategji frikacake dhe çnjerëzore që ndëshkon burrat, gratë dhe fëmijët ukrainas”, tha ajo. Betejat vazhdojnë në Ukrainën lindore , ku Rusia po shtyn një ofensivë përgjatë vijës së frontit në perëndim të qytetit të Donetsk. Forcat ruse bombarduan disa qytete dhe përdorën predha ndaj ushtrisë së Ukrainës.
