Kampionati Botëror 2022 do të vazhdojë sot me katër ndeshje të tjera që premtojnë spektakël dhe emocion.
Në fushë do të zbresin yjet e futbollit si Cristiano Ronaldo dhe Neymar Jr., teksa Portugalia dhe Brazili do të kërkojnë të vendosin diktatin e tyre që në start në grupet G dhe H.
Ndërkohë, në fushë për botërorin e tyre të katërt do të zbresin edhe kapiteni i Zvicrës Granit Xhaka dhe ylli shqiptar i kombëtares helvete Xherdan Shaqiri.
Zvicër-Kamerun do të jetë sfida e parë për sot, ndeshje kjo e cila luhet në orën 11:00.
Më pas, mesditën dhe pasditen e vazhdon grupi H, me ndeshjet Uruguai – Koreja e Jugut dhe Portugali – Gana.
Uruguai i Luis Suarez dhe Edison Kavanit do të zbresë në fushë në orën 14:00, ndërsa yjet luzitanë në orën 17:00.
Për të mbyllur ditën do të jetë sfida ndoshta më e fortë e ditës së sotme ajo ku Brazili do të përballet me Serbinë, një kundërshtar aspak i lehtë për Seleçaon pasi ekipi ballkanas është i mbushur me yje që luajnë në klube elitare në Itali dhe Angli.
