Deputeti Ervin Salianji i është përgjigjur ashpër deklaratave dhe gjuhës ofenduese të kryeministrit Edi Rama të përdorur sot në seancën plenare në Kuvend.
Salianji tha se afera e Portit të Durrësit ka lindur nga tavolina e Nusretit, duke shtuar se kryeministri ‘pëlliste’ ndaj kujtdo që e shihte si armik.
Salianji: Ky jeton në luks të ndërtuar mbi vjedhjen dhe plaçkitjen e qytetarëve shqiptarë. Jeton në supervila të ndërtuar në kurriz të qytetarëve. Merr miliona euro salltanete që dalin nga qytetarët shqiptarë. Vepra e Konicës ishin librat, ndërsa veprat e këtyre prapa janë PPP-të, kanabiosit. NDarja e Shqiopërisë në plaçkë për 5 veta.
Me një staturë të caktuar, u bë ujë nga helmi, siç kishte helm ndaj opozitës, nuk u përmbajt. E patë se çfarë gëzimi kishte që po kalonte kjo aferë. E kishte zellin siç e tha, si një gomaricë që po shihte përpara një mrekulli.
I eksituar për atë që shihte, pëlliste me të madhe dhe i drejtohej kujtdo që është armik. E tha pak më parë kolegu, që në Shqipëri nga diskutimet lindin nga tavolinat. Ndërkohë që ne përpiqemi me rrugë institucionale, edhe kjo aferë e Portit të Durrësit nisi nga një diskutim nga një tavolinë, nga tavolina e Nusretit. Ku gjithë qeveria nisi të negocionte dhe t’i ofronte Shqipërinë një investitori. Zanafilla e këtij projekti ka qenë kohë më parë, pikërisht në darkën e Nusretit. Aty është shitur porti i Durrësit. Nëse është një investitor kaq serioz, pse nuk bëhet si kudo? Pse nuk bëhet në territory tjetër kjo në jug.
