Detaje të reja janë bërë me dije nga laboratori i drogës që u zbulua në Fier që kishte mbërritur nga vendet e Amerikës Latine por është kapur pasditen e sotme në Portin e Tivarit në Malin e Zi.
Në këtë mega operacion është përfshirë DEA Amerikane, në bashkëpunim me SPAK dhe policinë malazeze por është mbajtur i fshehur nga Policia lokale për të shmangur ndonjë dekonspitim të mundshëm.
Mediat raportojnë se dy kolumbianë kanë qenë ekspertët e përpunimit të drogës në laboratorin e Fierit. Nga operacioni janë zbuluar një sasi prej 400 kg pleh kimik të përzier me kokaine. Mësohet se sasia në fjalë ka ardhur nga Mali i Zi drejt Shqipërisë.
Lënda narkotike dyshohet se ka hyrë në vend nga Kolumbia dhe përpunohej në këtë laborator. Deri tani janë arrestuar 15 persona, katër prej të cilëve në Tiranë. Të arrestuarit janë mbajtur nën vëzhgim dhe janë përgjuar prej 3 muajsh. Ndërkohë, në laboratorin që u zbulua në fshatin Fratar të Fierit janë kapur edhe 2 kallashnikov, një shotgun dhe një çifte.
- Kokaina në Fier/ Zbardhet emri i të arrestuarit të parë
Mes të arrestuarve është edhe Klajdi Vrioni (Kodra), 32 vjeç, i cili është i njohur për policinë pasi Klajdi Kodra është autori i plagosjes së 19-vjeçarit Reginaldo Kaçorri në 27 maj 2021.
Ngjarja ndodhi në një lokal kur ka nisur edhe sherri mes tyre për motive banale dhe persona e nisën sherrin nisur me grushte e shkelma ndërsa më pas ka avancuar në përdorimin e armëve të zjarrit.
Po ashtu, Klajdi Vrioni Kodra, akuzohej se ishte një nga organizatorët e atentatit te “Komuna e Parisit”, ku mbeti i plagosur Mariglen (Lorenc) Hoxha. Klajdi Kodra po ashtu është person i dënuar më parë me burg për një ngjarje në vitin 2016, pasi akuzohet se plagosi dy vëllezër po te “Komuna e Parisit”.
Kodra është plagosur edhe vetë në vitin 2013 pranë Liqenit Artificial, në atë cka dyshohet se ishte një konflikt banal i rastit. Ndërkohë, Klajdi Vrioni (Kodra) ka rënë sërish në prangat e policisë lidhur me laboratorin e drogës në Fier, ku janë ndalaur edhe persona t ë tjerë në një operacion të zhvilluar nga policia shqiptare, ajo malazeze dhe DEA amerikane.
- Detaje, si ishte fshehur kokaina që do të përpunohej në një laborator në Fier
Kokaina e cila është zbuluar në portin e Tivarit në Malin e Zi, kishte mbërritur nga Amerika Latine e futur në disa thasë me pleh kimik, me një sasi prej 400 kg. Kokaina u zbulua në muajin korrik dhe u mbajt në vëzhgim deri në momentin kur u tërhoq nga shtetas shqiptarë për tu përpunuar në laboratorin e kokainës në Fier.
- Kokaina e fshehur në thasë në Portin e Tivarit
Në një aksion të përbashkët të policisë malazeze dhe asaj shqiptare janë arrestuar sot disa persona. Një sasi e madhe kokaine u sekuestrua në Portin e Tivarit. Kontrolle po kryhen dhe në territorin e Shqipërisë, në afërsi të Tiranës, në një magazinë në pronësi të një prej personave të arrestuar.
Sipas informacioneve të Vijesti, droga është zbuluar në korrik të këtij viti, pasi ngarkesa ka mbërritur në portin e Tivarit. Inspektorët e Sektorit për luftën kundër krimit atëherë, në bashkëpunim me Prokurorinë e Lartë të Shtetit dhe kolegë nga Shqipëria, vlerësuan se do ta mbanin nën vëzhgim ngarkesën derisa të vinte porositësi për ta marrë, gjë që ndodhi sot
