Ministrit të mbrojtjes Niko Peleshi iu desh të komentojë sot akuzat e ambasadores Kim se mazhoranca po tenton të kapë zgjedhjen e kreut të ri të SPAK.
Peleshi, gjatë gjithë fjalës së tij, është sa në tokë e sa në ajër me përgjigjet e tij si psh: “reforma në drejtësi është krossektoriale”.
Peleshi nuk pati guximin të kritikojë ambasadoren Kim siç bën shefi i tij Rama, por nuk pati as kurajon ti japë të drejtë kritikave të saj dhe dukej qartë se ishte nën trysni e s’dinte ç’të thoshte.
I pyetur nga gazetarja Blerina Gjoka e BIRN, nëse qeveria shqiptare do në krye të SPAK të “preferuarin e saj” dhe a ka një qëndrim për deklaratën e Kim, Peleshi foli sa për të thënë se fola.
“Jam këtu për çështje të qeverisë por jo jashtë temës. Drejtësia është brenda temës dhe na intereson të gjithëve. Reforma në Drejtësi nuk ka mbaruar është dinamike. Ajo është krossektoriale. Ju siguroj dhe shpreh vullnetin e maxhorancës që jemi të vendosur ta vazhdojmë këtë reformë siç e nisëm. Sot është finalja, do vazhdojmë ta mbështesim. Çdo ngjarje e pakëndshme ose e vëmendje e shtuar dhe e kërkuar na shqetëson edhe ne. Jemi në krahun e përsosjes së reformës”- tha Peleshi pa e ditur as vetë mirë se ç’tha.
