KQZ ka zhvilluar ditën e sotme një tryezë përsa i takon financimit të partive politike në kuadër të zgjedhjeve të 14 majit 2023.
Valbona Ballgjini nga Drejtoria e Kontrollit Financiar dhe Auditit të Brendshëm në KQZ tha se të gjitha partitë politike që janë të regjistruara në gjykatë kanë detyrimin ligjore të dorëzojnë pasqyrat financare, deri në 31 mars.
Ajo shtoi se se më shumë se 50% të partive të regjistruara prej vitesh nuk dorëzojnë pasqyrë të financimeve.
“Të gjitha partitë politike që janë të regjistruara në gjykatë kanë detyrimin ligjore të dorëzojnë pasqyrat financare, deri në 31 mars.
Partitë e kanë te ndaluar të pranojne fonde nga persona qe nuk kanë nënshtetesi shqiptare apo persona anonim.
Janë 131 parti politike të registruara në vend, më shumë se 50 % e tyre mungojnë adresat, emrat e kryetarëve dhe prej vitesh nuk kanë një aktivitet financiar dhe nuk dorëzojnë pasqyrë të financimeve.”- tha Ballgjini.
