Një 31-vjeçar shqiptar në Greqi tentoi të hynte në shtëpinë e tij nga dritarja, pasi kishte harruar çelësat, por e pësoi keq nga fqinjët e tij të cilët menduan se ishte hajdut, e për rrjedhojë thirrën menjëherë policinë.
Sapo mbërritën në vendngjarje, policia kuptoi situatën dhe nuk e arrestoi shqiptarin, por e ndihmuan të hapte derën e shtëpisë.
Në momentin kur policët kanë hyrë brenda banesës së shqiptarit, kanë parë 11 qese me kokainë me peshë totale 10.2 gram, të cilat 31-vjeçari i kishte lënë në tavolinë.
Pas kësaj ai u arrestua menjëherë dhe më pas u lirua me kusht.
