Avokati Sokol Hazizaj, ka hedhur akuza të ashpra ndaj SPAK dhe drejtuesve të tij.
Avokati ka hedhur akuza se SPAK është jo profesional, që bën veprime me presione dhe kërkon të dënojë njerëz në mënyrë të njëashme. Hazizaj është shprehur se, ‘kjo nuk është reforma në drejtësi, por një rikthim i metodave, mënyrave të para viteve ’90’.
“Zgjedhja e drejtuesit të SPAK nuk është ndonjë eveniment i madh, është një periudhë prej 3 vitesh, nga 9 vite të një mandati të papërsëritshëm të një prokurori të thjeshtë. Edhe kompetencat e drejtuesit të SPAK nuk është ndonjë kompetencë që ka shumë në dorë për hetimin e atyre që cilësohen të ‘nxehta’.
Deri më tani, struktura e posaçme, nuk ka nxjerrë ndonjë gjë në dritë, vetëm ka kërkuar pranë gjykatës dënime, duke ushtruar dhe presion, si në Fakt dhe Apel. Mendoj se në këtë kuptim, fjala e përfaqësuesit diplomatik të SHBA-së, nuk ka të bëjë fare me zgjedhjen e drejtuesit të SPAK, por ka të bëjë me mënyrën jo profesionale që funksionon deri më tash, struktura profesionale.
Po të shikoni të gjitha aktet që prodhon struktura e posaçme nuk përbëjnë një hetim të plotë të faktit penale, akte që për shkak të presionit që ka sjellë reforma në drejtësi, duket se kanë zbuluar një gjë të rëndësishme. Mjafton të hyjë fjala korrupsion dhe të gjitha këto kanë treguar vetëm një gjë; është treguar një organ represiv, i cili më tepër funksion me mbrojtësit kryesisht që i rrinë gati tu prokurorit dhe gjykatës dhe nuk funksionon fare me të drejtat themelore të njeriut, të drejta që janë të pranuara në Kushtetutë dhe në Kodin e Procedurës penale.
Ti mëshosh një institucioni i cili në një mënyrë jo profesionale, kërkon të dënojë qytetarë në mënyrë të një anshme, pragmatiste, me motivin se ka rëndësi shumë të madhe shoqërore dënimi i këtyre njerëzve, pa konsideruar fare të drejtën, në thelb kjo nuk është reforma në drejtësi, por një rikthim i metodave, mënyrave të para viteve ’90″’, – tha avokati Sokol Hazizaj në SYRI TV.
