Kryebashkiaku i Shkodrës, Bardh Spahia deklaroi këtë të Martë se kryeministri Edi Rama shkoi në Shkodër për “turizëm politik.
Në një deklaratë televizive duke komentuar akuzat e Ramës, Spahia tha se “nuk kemi rival në të gjithë Shqipërinë sa i përket pastrimit të kanaleve”.
“Unë e kam marr vesh në media prezencën e kryeministrit në Shkodër. Deklarata e tij janë një turizm politik krejtësisht i pavend për situatën. Të vish dhe të bësh show politk, të krahasosh situatën aktuale me 2010-n është tallje me banorët. Sot nuk jemi këtu për të bërë krahasime. Nga njëra anë kryeminsitri thotë se nuk ka patur punë të mira nga ana e Bashkisë Shkodër, nga ana tjetër Peleshi e përgëzoi Bashkinë Shkodër për pastrimin e kanaleve kulluese. Nuk kemi rival në të gjithë Shqipërinë sa i përket pastrimit të kanaleve”, tha Spahia.
