Kreu i Partisë së Lirisë Ilir Meta, në një dalje për mediat, tha se përmbytjet në veri të vendit nuk erdhën nga shiu dhe perëndia, por nga keqmenaxhimi i qeverisë.
Meta shton se e vetmja rrugë për rivendosjen e llogaridhënies në vend është ajo e referendumit.
“Do dëshiroja ta nisja këtë komunikim duke kujtuar sot me shumë nderim pikërisht 22 nëntorin e 1998 ditën kur përmes referendumit populli i Shqipërisë vendosi të sillte në fuqi kushtetutën. Kjo ngjarje që është një nga ngjarjet më pozitive për demokracinë, për përpjekjet tona për të ndërtuar shtetin e së drejtës, sigurisht që sot jo vetëm meriton të kujtohet por edhe të analizohet sepse që nga ai moment Shqipëria nuk ka realizuar asnjë referendum.
E vetmja rrugë për rivendosjen e llogaridhënies është ajo e referendumit. Do bëjmë disa referendume bashkë me PD”– tha Meta.
