Një aksident rrugor ka ndodhur mbrëmjen e sotme në aksin Lezhë-Laç, pranë kryqëzimit të Rrilës.
Dy automjete janë përplasur mes tyre dhe për pasojë janë plagosur 4 persona.
“Rreth orës 20:00, në aksin rrugor Lezhë – Milot, në vendin e quajtur ‘Kryqëzimi i Rriles’, janë aksidentuar dy automjete tip ‘Ford’ me drejtues shtetasit D. Gj. dhe M. M. Për pasojë janë lënduar të dy drejtuesit e mjeteve si dhe pasagjerët shtetasi F. Gj. dhe shtetasja M. Gj. të cilët ndodhen në spital nën kujdesin mjekësor. Grupi hetimor në vendin e ngjarjes vazhdon veprimet hetimore për zbardhjen e plotë të rrethanave të aksidentit”, njoftoi policia.
