Përveçëse Shkodrës e cila u prek më shumë nga përmbytjet, dhe qyteti bregdetar Durrësi, nuk ia ka hedhur paq.
Banorët e prekur nga përmbytjet në Durrës janë shprehur se ky nuk është viti i parë që ata zgjohen nën ujë në banesat e tyre, pasi rasti është përsëritur për 4 vite radhazi.
“Shtëpia është përmbytur, është deri te cizmet. Të gjitha mobiljet jashtë përdorimit. Viti i 4 që hyn uji brenda në shtëpi dhe shteti nuk ve dorën. Nuk dimë cfarë të bëjmë”– tha një banore.
Shkak sipas tyre i përmbytjeve masive në disa zona të qytetit janë kanalizimet të cilat bllokohen, e për pasojë reshjet e shiut krijojnë prurje të cilat përfundojnë në shtëpitë e tyre.
“Është hera e tretë që përmbytemi, e njëjta histori, kemi fjetur në ujë, kemi ndenjur në ujë, kam fëmijën 4 vjeç, e kam alergjik ndaj lagështirës. Durrësi mbytet sa herë bie një vesë shiu. Nuk ka ardhur askush të interesohet, edhe kur ra tërmeti. Askush, kur vjen puna te votat vijnë derë më derë”- tha një tjetër banore.
Sipas tyre, interesi nga ana e shtetit shfaqet vetëm kur bëhet fjalë për vota.
Reth 10 familje të lagjes 18 në Durrës janë zgjuar këtë të hënë të përmbytur nga reshjet e vazhdueshme të shiut. Niveli i ujit i kalon 20 cm dhe ka shkaktuar dëme të pallogaritshme në banesat e tyre.
