Pas më shumë se tre seancash mungesë dhe shtyrje të gjykimit, Policia e Burgjeve ka transportuar me forcë për në gjykatën e Fierit, Klodian Çalamanin.
Ai është i akuzuari për vrasjen e 8-vjecarit Mateo Vasiu, në ngjarjen e rëndë që dodhi më 16 nëntor të vitit të kaluar në Grecalli të Fierit.
Mbi Çalamanin rëndojnë akuzat për veprat penale “Marrëdhënie seksuale ose homoseksuale me të mitur me dhunë” dhe “Vrasja në rrethana të tjera cilësuese ndaj të miturit”.
Klodian Çalamani ka hyrë nga dera e përparme e gjykatës që përdoret nga administrata, e jo nga hyrja ku hyjnë të gjithë të akuzuarit e tjerë, ndërsa vihej re prezencë e lartë e forcave të policisë që ruanin furgonin me të cilin ai u transportua.
Mendohet që veprimi i policisë është bërë për të shmangur përballje me familjaret apo të afërm të familjes se 8-vjeçarit të vrarë, por edhe nga opinioni publik.
Mësohet se gjatë seancës do të merren dëshmitë e të gjithë dëshmitareve, çka mund të nxjerrin të tjera detaje lidhur me ngjarjen.
Një vit më parë në vend pati për ditë me radhë protesta pas zbulimit të vrasjes makabre të 8-vjeçarit Mateo Vasiu.
