Policia britanike ka arrestuar një të ri shqiptar i identifikuar si Klodjan Kaboli, pasi u kap në një plantacion kanabisi.
25-vjeçari raportohet se u zhvendos nga një shtëpi me punëtorë ndërtimi në një banesë në Chesterton dhe iu tha të kujdesej për bimët e kanabisit, vend në të cilin edhe u arrestua.
Kaboli u burgos për 9 muaj nga gjykata e Stoke-on-Trent Crown Court, ndërsa prokurorja tregoi se Kaboli u zbulua pasi banorët e zonës pranë ngritën shqetësimin për rritjen e kanabisit.
Pas një kontrolli të policisë u konfirmua era e fortë që vinte nga bimët narkotike, gjë që solli edhe ndërhyrjen e mëtejshme të policisë.
Gjatë marrjes në pyetje në polici, Kaboli tha se kishte qenë në vend për 6 muaj pasi kishte mbërritur me një kamion. Atij iu tha të ujiste bimët e kanabisit për të paguar një borxh për shpenzimet e udhëtimit dhe faturat e kurimit të babait të tij në Shqipëri.
Ai tha se ishte i përfshirë në vjeljen e bimëve dhe qeset me kanabis ishin mbledhur, ndërsa shtoi se merrte para për ushqim dhe lejohej të dilte nga banesa vetëm për të blerë ushqime.
