Kryetari i Partisë së Lirisë, Ilir Meta ka reaguar pas një raportimi të “Forbes” lidhur me emigrimin masiv të shqiptarëve.
“Eksodi masiv i të rinjve tanë tërheq vëmendjen edhe të Forbes”, shprehet Meta në një postimin në rrjetet sociale.
Fajton bën kreun e qeverisë, Edi Rama.
“Shqiptarët po ikin, duke zënë vendin e tretë në botë për të larguarit nga vendi, sepse Edi Rama është armiku kryesor i lirive të tyre, autori dhe përgjegjësi i vrasjes së shpresës së të rinjve, në nivele aq dramatike sa po i detyrojnë të rrezikojnë edhe jetën duke kaluar La Manshin me gomone”, shton kreu i PL-së.
“Ne nuk duam që ky vend të braktiset, pasi çdo fëmijë që ikën nga Shqipëria le një brengë në familje. Shqipëria u përket të rinjve dhe ne do ta bëjmë këtë realitet”, përfundon Meta.
