Një shqiptar ka ndërruar jetë teksa ka qenë duke punuar në komunën Montecatini Val di Cecina në qytetin e Pizës.
Sipas mediave vendase, trupi i pajetë i shqiptarit u gjet në këmbët e një shkalle. Edhe pse në vendngjarje shkuan dy autoambulanca dhe një helikopter, fatkeqësisht për shqiptarin nuk mund të bëhej asgjë pasi kishte ndërruar jetë në vend.
Ngjarja ka ndodhur mëngjesin e sotëm në Ponteginori, brenda pronës Mocajo, një rezidencë e shekullit të tetëmbëdhjetë e shndërruar në një hotel luksoz prej vitesh.
Hipoteza kryesore është se ishte një aksident në punë, edhe nëse hetuesit ruajnë ende konfidencialitetin maksimal për këtë çështje dhe po mbledhin dëshmi dhe elementë të tjerë të dobishëm për të sqaruar saktësisht se si kanë ndodhur ngjarjet.
