Presidenti serb Aleksandar Vuçiç dhe kryeministri i Kosovës Albin Kurti janë ftuar në Bruksel për një dialog në nivelin më të lartë, tha zëdhënësi i BE-së, Peter Stano.
Ai nuk ka dhënë ndonjë datë, por ka thënë se takimi duhet të ndodhë “shumë, shumë shpejt” dhe se qëllimi i takimit është “për të gjetur një zgjidhje evropiane”.
“Ajo që është e re është se ne i ftuam të dy në Bruksel për të gjetur një zgjidhje evropiane, një rrugëdalje evropiane nga situata aktuale e cila është një nga më seriozet që nga viti 2013. Dhe ky është qëllimi. Siç thashë, ne i ftoi ata në Bruksel për të diskutuar një rrugëdalje. Shpresojmë se do të mund të vijnë shumë shpejt, në mënyrë që ne ta zgjidhim çështjen, para 21 nëntorit dhe jo më pas, si përfaqësuesi i lartë i BE-së, Joseph Borell tha”, tha Stano.
