Diplomati Agim Nesho komentoi në emisionin ‘Çim Peka Live’ në Syri Tv projektin e Portit të Durrësit. Nesho deklaroi se nuk ka transparencë nga qeveria ndërsa shtoi se është një aferë korruptive.
Sipas diplomatit kemi të bëjmë me pastrimin e parave të cilat qarkullojnë në mënyrë të paligjshme në Shqipëri ndërsa theksoi se investime të tilla kanë ndodhur në vendet që janë autokratike si në Lukashenkon e Bjellorusisë tek Vuçiçi i Serbisë.
“Gjithë kjo aferë nuk ka vetëm vlerën estetike që shitet por këto janë riciklimi dhe pastrimi i parave të cilat në mënyrë të padrejtë qarkullojnë në Shqipëri dhe i shikojmë që nga kullat në mes të Tiranës dhe të gjitha aferat e kësaj qeverie.
Mendoj se nuk ka asnjë vlerë pavarësisht se ky e shtron si të tillë, është një aferë korruptive shumë e dyshimtë. Një pjesë e këtyre investimeve kanë ndodhur në vendet që janë autokratike si në Lukashenkon e Bjellorusisë tek Vuçiçi i Serbisë. Amerikanët nuk kanë pranuar idenë e portit nga Global Port të Emirateve të Bashkuara e kanë hedhur poshtë për arsye sigurie.
Iu bë një propozim, por panë interesat e tyre. Çfarë është ky kryeministër që pa pyetur Parlamentin, opozitën, as interesat e popullit ku nëpërkëmb mbi 5 miliardë lekë për të bërë me 70 milionë të ngrejë kullat dhe të ndajë pasurinë midis njerëzve që nuk i dimë.
Ky është aq i lidhur me Rusinë po pikërisht për të bërë këtë manipulim e për të hedhur baltë mbi opozitën që mos të përfaqësojë interesat, ky po e pengon dhe e bën me paratë ruse që merr.”-tha Nesho.
