Një aksident i rëndë ka ndodhur në Los Anxhelos kur një makinë është përplasur me disa policë ndërsa ata po kryenin ushtrime stërvitore.
Grupi i të trajnuarve të policisë, kryesisht rekrutë të rinj në Zyrën e Sherifit të Qarkut të Los Anxhelosit, ishin në vrapimin e mëngjes kur makina u përplas me ta.
Skena e aksidentit i ngjante një “përplasjeje avioni”. Kishte trupa njerëzish “të shpërndarë gjithandej, me plagë të ndryshme”, mund të shiheshin edhe rekrutët “të copëtuar”, tha Sherifi i Qarkut të Los Anxhelosit Alex Villanueva gjatë një konference për shtyp. Njëri prej tyre është i intubuar, shtoi ai.
Shoferi, i cili u arrestua në vend, u verifikua se nuk ishte nën efektin e alkoolit. Megjithatë, sipas burimeve policore që folën për Los Angeles Times, ai u tha oficerëve se e kishte zënë gjumi në timon.
