Kryeministri Edi Rama ditën e sotme ka zhvilluar takime me simpatizantë të partisë socialiste në Berat.
Një gjimnazist nga Kuçova ka befasuar Ramën teksa i ka thënë se ai ka “patur fatin që kur ishte fëmijë, kryeministri ta merrte në krah”. Sipas tij, kjo është arsyeja pse ai sot është i suksesshëm dhe i angazhuar në vendin tonë.
“Në radhë të parë doja t’ju falenderoja për mundësitë që na dhatë me takimin tuaj. Në radhë të dytë doja të shprehja që ju jeni idhulli im, dhe ju ndjek prek kohësh. Madje, jam një nga ata djem që kam patur fatin e mirë, kur kam qenë i vogël ju zoti Edi Rama më keni marrë në krah. Mendoj, kjo është arsyeja që unë jam i suksesshëm këtu ku jam. Jam një djalë që pëlqej marrëdhëniet me publikun, jam pjesë e qendrës rinore të Bashkisë Kuçovë, ndjek trajnime të ndryshme, dhe faleminderit që keni hapur mundësi për ne të rinjtë, ku ne të shpalosim idetë tona”, u shpreh i riu.
Menjëherë nuk kishte se si të mungonte përgjigja e kryeministrit Edi Rama i cili me nota humori tha se nuk e ka atë fuqi magjike.
“Tani për t’i kthyer përgjigje djalit që e kam mbajtur në krahë kur ka qenë i vogël. Nëse të ka ecur, të ka ecur se të kam mbajtur unë në krah. Por po të ishte kështu i bie që të kisha superfuqi, por nuk besoj të jetë kështu”, u shpreh Rama
