Deputetja e Partisë së Lirisë, Monika Kryemadhi thotë se koka e aferës së inceneratorëve mban nën presion SPAK-un, duke iu referuar kryeministrit Edi Rama. Në emisionin “Open” në News24, teksa komentoi urdhër arrestet e ditë së sotme, Kryemadhi tha se kryebashkiaku i Fierit, Armando Subashi ka akuzuar drejtorinë juridike në Kryeministri duke thënë që leja për të paguar para për tokën arrë i ka ardhur me vendim qeverie.
“Thirrja e Armando Subashit para pak kohësh në SPAK, nuk ka thënë njeri që ka pasur urdhër arresti për Subashin. Është frenuar thirrja e Armando Subashit në SPAK. Në dijeninë time Armando Subashi ka akuzuar drejtorinë juridike në kryeministri duke thënë që leja për të paguar para për tokën arrë me ka ardhur me vendim qeverie. Gjë të cilën ose duhet të përballet Subashi, sepse ai vetë vjen nga sistemi i drejtësisë dhe e di që në rast se konstatohet një shkelje e paligjshme, edhe sikur ta detyrojë kryeministri apo kushdo tjetër ai nuk mund të zbatojë një vendim të paligjshëm”, theksoi Kryemadhi.
Ajo shtoi se problematika e aferës nuk është paga e babait të ish-deputetit socialist Alqi Bllako në incenerator, por Edi Rama.
“Dua të sqaroj dy gjëra, ky është një proces që ka skepticizmat e veta, janë cironka, peshq të vegjël, për një gjë jam sigurt. Çdo fakt që kemi depozituar në SPAK, çdo ditë e më shumë po dalin që janë të vërteta, SPAK është në pozita shumë të vështira. Akuzat e stome janë akuza që kanë të bëjnë me mbikëqyrjen e punimeve dhe fshehjen e situatës. Gjëja që të bën të jesh skeptike është që vazhdimi i pagesave të faturave nga buxheti për inceneratorët. Jo vetëm që paguajmë për to kur njerëzit janë në kërkim ndërkombëtar, vetëm në vend ndodhin këto paradokse. Këtu është çështja te koka, koka është ai që mban nën presion SPAK-un. Pivot 4 është pika lidhëse që inceneratori i Tiranës është një çështje jo komplekse më. Para një jave ka kaluar parlamenti 10 milionë dollarë për inceneratorin e Tiranës”, tha ajo.
