Anëtari i Kryesisë së PD, Abern Ristani deklaroi në studion e “log.” në abc të gazetarit Endri Xhafo se koha e negociatave të PD me aleatët ka përfunduar.
I pyetur nga të ftuarit në studio se përse në disa bashki PD ka futur kandidatët e vet në një kohë që edhe aleatët kanë kandidatë, Ristani tha se për PD-në primaret nuk viheshin në diskutim.
Ai theksoi se pati një kohë për negociata me aleatët, ku ata mund të kërkonin territor, por kjo nuk ndodhi.
Ndërkohë që nuk kanë munguar as batutat e analistit Lorenc Vangjeli, i cili tha se lajmin për mbylljen e negociatave të PD me aleatët zoti Berisha e ka mësuar mbrëmjen e sotme nga zoti Ristani.
Pjesë nga biseda:
Ristani: Koha e negociatave ka përfunduar. Ka patur vendim të PD-së që u la kohë për negociata dhe pasi të mbaronte koha e negociatave do fillonte koha e seleksionimit të kandidaturave.
Vangjeli: Zoti Ristani sqaron atë që zoti Berisha nuk e dinte.
Ristani: Kjo është vendimmarrje.
Vangjeli: Po pra por ai thotë që vazhdojnë negociatat ndërkohë që negociatat janë mbyllur.
