Deputeti i Partisë së Lirisë, Petrit Vasili shkruan në FB krahas një videoje të postuar, se Rama është duke mashtruar lidhur me Portin e ri të Durrësit.
Ai shkruan se 220 milionë euro taksa nga buxheti i shteti. Më tej shton se Rama thotë se nuk do të dalë asnjë lekë nga ky buxhet.
Deputeti shprehet se edhe 820 mijë metra katrorë janë qindra milionë euro dhe do të bëhen shpronësimi po nga ky buxhet shteti, shto këtu edhe mbi 1 mld euro për ndërtimin e portit të mallrave.
“Mashtruesi Edi Rama thotë me zë dhe figurë se: ” nuk do te nxjerre asnjë kokërr leku nga buxheti i shtetit zero”, për Portin e Durrësit. Po 220 milion euro taksa te falura nuk janë pjese e buxhetit te shtetit. Po 820 mije metra katror qe kushtojnë qindra milion euro a nuk janë pjese e buxhetit te shtetit. Po fondi për shpronësimet a nuk do merret nga buxheti i shtetit. Po 1 miliard e kusur euro për te ndërtuar portin e ri te mallrave nuk do merren nga buxheti i shtetit.
Këtyre mashtrimeve u shtohen edhe 12 mije vendet e punës ne Portin e Durrësit, po aq sa gënjente dikur për Aeroportin e Kukësit. Se ky gënjen njëlloj paturpësisht vetëm 12 mije vende pune thotë gjithmonë. Kurse 2 miliard euro qe do vinin menjëherë ky ishte mashtrime edhe më ordiner. Vetëm 3.4% do japin këta, pra 65 milion euro, aq sa i kane dhjetar biznesmenë ne Shqipëri. Ndërsa eurot e tjerat janë rrumpallhone, shit apartamente e vër një radhe tulla, njëlloj si ne fillimet e pluralizmit, qe kush kapte ndonjë terren i shiste apartamentet qe ne grope dhe pastaj avash avash merr leke e ngri ndonjë kat”, shkruan Vasili.
