Ahlam Albashir, autorja e sulmit në Stamboll ku humbën jetën 6 persona dhe u plagosën mbi 80 të tjerë, tha gjatë marrjes së parë në pyetje se ajo ishte trajnuar nga militantët kurdë në Siri dhe se hyri në Turqi përmes rajonit sirian veriperëndimor të Afrinit, tha policia.
Ministri i Brendshëm turk, Suleyman Soylu, tha më herët se urdhri për të sulmuar Avenue Istiklal të Stambollit ishte lëshuar në Kobani, një qytet në Sirinë veriore ku forcat turke kanë kryer operacione kundër fraksionit kurd sirian IPG në vitet e fundit.
“Ne besojmë se udhëzimi për sulmin erdhi nga Siria,” tha Soylu, duke shtuar se bombarduesja kaloi përmes Afrinit, një rajon tjetër në Sirinë veriore.
Ministri turk i Drejtësisë, Bekir Bozdag, tha se ka dy mundësi se si ka ndodhur shpërthimi. Ose çanta kishte një mekanizëm që aktivizohej, ose dikush e aktivizonte mekanizmin nga larg.
Hetimi është ende në vazhdim. Është e mundur që ata e kanë zgjedhur atë rajon me qëllim.
“Ka shumë të huaj, ndoshta kanë dashur t’i dërgojnë një mesazh botës. Turqia është një vend i fortë” – tha ministri.
