Stambolli është tronditur nga një shpërthim i fuqishëm në një rrugë këmbësorësh në sheshin “Taksim”, që ështënjë nga destinacionet më të vizituara nga turistët.
Mediat turke kanë bërë me dije se disa persona janë vrarë dhe disa kanë mbetur të plagosur, por shkaku i shpërthimit nuk është konfirmuar nga zyrtarët.
Pamjet në internet treguan banorët e panikuar duke ikur nga vendi i ngjarjes me shumë njerëz të shtrirë në tokë, ndërsa ekipet e emergjencës janë dërguar në vendngjarje.
“Në rrugën Taksim Istiklal ka ndodhur një shpërthim. Kemi të vdekur dhe të plagosur“, ka shkruar guvernatori Ali Yerlikaya pak minuta pas shpërthimit.
Pas shpërthimit, ekipet e policisë evakuuan rrugën Istiklal, ndërsa xhamia Taksim u mbyll gjithashtu, ndërsa kontrolle përmes ajrit po kryen nga helikopteri për qëllime sigurie.
Ndërkohë, Prokuroria e Përgjithshme e Stambollit ka nisur një hetim për terrorizëm.
