Media britanike TheSun ka tronditur futbollin anglez me një artikull të publikuar mbrëmjen e djeshme, ku bën me dije se dy lojtarë të një ekipi që militon në Premier League janë në një lidhje dhe janë të hapur për të qenë një çift homoseksual.
Sipas The Sun lidhja e tyre nuk është më një sekret në dhomën e zhveshjes, por dy yjet e futbollit hezitojnë të dalin publikisht.
Dy yjet e Premier League e kanë nisur lidhjen e tyre në fillim të këtij viti.
“Ata nuk e panë nevojën për t’u fshehur nga shokët e tyre të skuadrës – dhe pse duhet ta bëjnë? Askush nuk u shqetësua nga distanca për këtë dhe ata kishin mbështetjen e menaxherit dhe hierarkisë në klub. Por ata vendosën të mos dalin publikisht – edhe pse asnjëri nuk është i turpëruar dhe kjo mund të ndodhë. Gjatë sezonit ata donin të përqendroheshin te futbolli”, tha një burim për median angleze.
“Shokëve të tyre të skuadrës u është thënë gjithashtu që të mos thonë asgjë publikisht për të mbrojtur privatësinë e tyre”, shton ai.
Edhe legjenda e Anglisë, Gary Lineker tha muajin e kaluar se ai njeh “një ose dy” lojtarë homoseksualë të Premierligës, të cilët kanë qenë shumë afër bërjes publike të seksualitetit të tyre.
