Kryeministri Edi Rama ka reaguar 3 orë pas protestës së opozitës, por nuk ka thënë asnjë fjalë për tubimin.
Rama ka postuar në rrjetet e tij sociale foto nga tuneli i Llogarasë, duke shpërfillur kështu protestën e mbajtur pasditen e sotme para kryeministrisë.
“Tuneli i Llogarasë ku tanimë janë hapur 4,5 nga 6 kilometrat e projektit që do ta afrojë bregun e Jonit me aeroportin ndërkombëtar të Vlorës dhe rrisë ndjeshëm kuotat e industrisë shqiptare të turizmit”, shkroi Rama në Facebook.
Kryeministri mbërriti në Shqipëri vetëm pasi protesta kishte përfunduar, pasi ishte në Paris ku mori pjesë në Samitin e Paqes një ditë më parë.
Nga socialistët, i vetmi që ka komentuar mbi protestën ishte kreu i grupit parlamentar, Taulant Balla, i cili quajti Sali Berishën dhe Ilir Metën si të dëshpëruar.
