I njohur për gjuhën e tij ofenduese ndaj kundërshtarit, kryeminiistri Rama vijoi të njëjtën gjë edhe kur u pyet nga gazetarët për përplasjen që ppati në Kuvend me Edi Palokën dhe Bujar leskajn, të cilët i konsideri të dehur, duke kërkuar edhe ndëshkimin nga disiplina e Kuvendit.
I quajti deputetët e opozitës “bedel në kuptimin e plotë të fjalës”.
“Nuk kam njohur deri tani asnjë të dehur që të pranoj që është i dehur. Janë bedel në kuptimin e plotë të kësaj fjale. Sot është dita për t’i dhënë përgjigje një pyetje? Pse paratë ruse u derdhën në shqipëri tek një parti politike për të rrëzuar një qeveri? Ishte dhe është qeveria e këtij vendi dhe për një parti të opozitës qeveria e këtij vendi duhet të jetë më e rëndësishme se paratë ruse. Në këtë moment kur askush nuk çohet dhe të thotë se ky është një turp që ka bërë PD, më vjen shumë zor që jamë këtu dhe nuk e dija, kërkoj fajle që ky është një komplot i Soros me Edi Ramën. Raporti i CIA është shkruajtur qartë dhe duhet të thonë se duhet të ndihen keq. Por nuk e bën. Kur një bedel nuk ka kapacitetin moral minimal për të vënë vendin e vet, mbi bedelizmin, nuk është vetëm një bedel, por i pafe, i patdhe”, tha Rama.
-A është etik fjalori juaj?
“Ju e gjykoni. Por kur një bedel e quan normale që paratë e një vendi jo miqësor të merren për të rrëzuar qeverinë e vet, është pa din e pa iman. U qëndroj fjalëve”, shtoi.
-Ku e kuptuat se ata ishin të dehur?
“Se për pak u deha dhe unë nga aroma e alkoolit”, vijoi.
-A është kjo gjuha e përdorur që ju vetë e keni thënë se nuk duhet përdorur?
“I dehur nuk është asgjë përveçse ti ke përdorur lëndë helmuese ushtarake”, deklaroi Rama.
