Gazetari Klodian Tomorri deklaroi në studion e emisionit “MCN Economy” se projekti për ndërtimin e Portit të Durrësit nuk është transparent.
Duke vijuar shpjegimin e tij, Tomorri tha se është e paqartë se kush janë pronarët që do kryejnë investimet në Port pasi Alabar zotëron vetëm 40% të aksioneve.
Më tej, gazetari se i gjithë projekti ka shumë të panjohura dhe se kompania që e ka marrë përsipër vjen si guaskë.
“Projekti është jo transparent. Kompania që ka marrë përsipër fillimisht u regjistrua në ishujt Kejmen e pastaj në Arabi, nuk e dimë kush janë pronarët të që do kryejë investimet në portin e Durrësit.
Fyryra apo imazhi është zoti Alabar. Është spekuluar, Emar nuk ka lidhje në projekt pasi Alabar nuk është më pjesë e Emar, ai ka bizneset e veta. Formula e financimit të paktën në marrëveshje dhe siç është parashtruar, investimi parashikon një zhvillim me 2 faza. Në sektorin e ndërtimit është konsoliduar një praktikë, s’ka nevojë të kesh para mjafton të marrësh lejen. Jemi në një projekt më i madh se ndërtimi i dy pallateve, mënyra si do të financohet dhe do të përfshihen investitorët e jashtëm janë lënë të hapura, kushti vetëm është që investitori duhet të ketë një fond sa 20% e vlerës. Pjesa tjetër është e paqartë.
Kush është pronari që po merr Portin e Durrësit, me letra nuk është Alabar. Dhe nëse sheh kronologjinë si është ndërtuar projekti. Nuk dihet kush është pas kompanisë. Në deklarimin e Albar në QKB thuhet se ai ka 40% të aksioneve. Thuhet që janë aksionerë të vegjël. Kush e zotëron 60%. Po japim një projekt 2 miliardë euro, po japin gati 820 m2 në një nga vendet më të lakmuara të territorit. Porti mund të shkatërrohet dhe ekziston mundësia që Durrësi të mbetet pa port. Ky projekt ka shumë të panjohura. Kujt po ja falim këtë pasuri publike, kujt po ja falim 300 milionë euro taksa. Është një kompani që vjen si guaskë”, tha ai.
Më tej, Tomorri tha se askush nuk ka dhënë garanci që projekti nuk do të përfundojë si grumbull pallatesh.
Ndërtimi është sektori ku pastrohet pjesa dërrmuese e parave në vend. Nuk e dimë kush është pas këtij projekti. Alabari merret me Lukashenkon dhe vëllezërit Kariç, ai nuk është shenjtor. Qeveria do të jetë pronare e 33% ndërsa investitorët me 67 %. Sa të sigurtë jemi që do bëhet marinë dhe s’do përfundojë projekti në ca kulla që do ndërtohen dhe shiten. Nëse qeveria na jep garanci s’do të ndodhin por s’e ka dhënë njeri këtë kullë sot.
