Moderatorja Oriela Nebiaj ka folur rreth përjetimeve që ka kaluar ditët e fundit për faktin se vendi i Grida Dumës në Kuvend i kalon asaj.
Në nisje të emisionit që moderon, ‘Përputhen’, Nebiaj u urua nga Arjan Konomi i cili u shpreh se nuk ka ndodhur ndonjëherë që këtë emision ta prezantojë një deputete.
Nebiaj pranoi se ka ende emocione mirëpo shpreh dhe dyshimet e saj për këtë post të ri.
“Më dridhen gjunjët, për përgjegjësinë e cdo vote që peshon sot mbi mua më shumë se kurrë. E gjithë stërmundimi që kam është në lidhje me këtë, të gjitha përmendjet e emrit të emisionit në Kuvend sikur thërritën njëra tjetrën. Aq shumë sa e kanë përmendur duket si trajtim. Jam akoma e nxehtë me përjetimin tim. Doja të isha në parlament për të gjithë ata që më votonin. Kur mora vesh dorëheqjen e Dumës do isha në radhë, e dija. E shihja të largët se nuk është një punë me rrogë, është një përgjegjësi që duhet ta marrësh përsipër”, shprehet moderatorja.
Ajo shton se ndjen se politika shqiptare nuk po përfaqëson asnjeri e se ka frikë se do jetë e vetme në seancat parlamentare.
“Sot më duket sikur arena politike nuk përfaqëson askënd, më duket sikur do jem vetëm aty“, tha Nebiaj.
Nebiaj ishte e 18-ta në listën e kandidatëve për deputetë të PD-së, në Tiranë.
Pavarësisht se mori rreth 5600 vota, ajo nuk u zgjodh deputete përmes thyerjes së herësit dhe demokratët nxorën 15 deputetë nga kryeqyteti. Por me vendimin që mori Grida Duma për t’u dorëhequr nga mandati i deputetes, duket se tani Kuvendi ka një vend për moderatoren.
