Prej disa ditësh, Byroja Kombëtare e Hetimit po zhvillon kontrolle tek kontejnerët e ardhur nga Amerika Latine në portin e Durrësit.
Mesohet se hetuesit kanë filluar të bejne kontrolle në disa kuti të nxjerra nga kontejnerat.
Burime bëjnë me dije se partnerët raportuan sasi më të madhe kokaine se sa ajo që u kap më 3 Nëntor brenda kutive me banane të “BanaKing” të ardhura nga Ekuadori.
Atë ditë u gjet 33.5 kg kokainë, e ndarë në 31 pako, të fshehura mes bananeve. Skaneri nuk e zbuloi kokainë brenda kutive, por u ushtrua më pas kontroll i imtësishëm.
Droga e kapur çoi në pranga dy punonjësit, e skanerit në Portin e Durrësit, Alban Naziraj dhe Artur Sevdaraj. Arrestimit nuk i shpëtoi as administratori i kompanisë, Ziko, Petrit Demishaj. Presidenti i saj, Trifon Murataj u shpall ne kërkim.
