Nga Boldnews.al
Droga-droga-droga, krimi-krimi-krimi. Ku është droga? Kështu pyeste Rama me përbuzje deputetët e opozitës, pikërisht në kohën kur kanabisi mbillej edhe më shumë se domatet në Shqipëri. Propaganda ia donte të thoshte se vendi nuk ka drogë dhe se ajo që ishte mbjellë po kapej nga policia dhe ministri i tij më i mirë Saimir Tahiri, që sot është në burg pikërisht për përfshirjen në trafikun ndërkombëtar të lëndëve narkotuike dhe shpërdorimit të detyrës.
Ishte dhe është koha kur Italia vihet në alarm në çdo sezon të korrjes së kanabisit në vendin tonë e që vërshon lumë përmes detit nga trafikantët e lidhur me pushtetin, të cilët pasi bëjnë disa rrugë kthehen shpesh si deputetë, kryebashkiakë apo drejtorë të kësaj qeverie.
Për të kuptuar që droga në këtë vend është “biznesi” fitimrurës i ligjëruar me heshtjen qeveritare, mjafton ceremonia e nderimit që iu bë gjeneralit Italian, pikërisht nga personi që mohonte se vendi është mbushur me kanabis.
Kryeministri Edi Rama ka nderuar me Yllin e Madh të Medaljes së Kryeministrit për Mirënjohje Publike, Komandantin e Përgjithshëm të Guardia di Finanza Italiane, Gjeneral Armate Giuseppe Zafarana. “Një njësi speciale që u krijua në Sazan dhe një ndihmë të jashtëzakonshme në arritjen e rezultateve. 40 mijë orë patrullime, 300 mjete lundruese, qindra tonelata lëndë narkotike dhe afro 1000 persona të vënë para ligjit”-u shpreh Rama ndër të tjera, teksa i vendoste medaljen në qafë gjeneralit Zafarana.
Rama sot është i detyruar të shpërndajë medalje për ata që luftojnë trafikun e drogës, ndërsa vetë e pranon që qenkan qindra tonelatë drogë e kapur, që mbiu e u rrit në vendin tonë, pikërisht në kohën e qeverisjes së tij.
Me qindra ton drogë i kapën nga policia italiane dhe ajo greke, por qindra tonelata të tjera kalonin teksa në vendin tonë u arrit deri në atë pikë sa të fiknin edhe radarët që monitoronin vijën detare shqiptare. Sikurse kanë dalë nga hetimet e palës italiane policia në shumë raste ishte kthyer në hamallë të bosëve qeverisës teksa ngarkonin e shkarkonin sasira të mëdha kanabisi. Aktiviteti i paligjshëm dhe miliardat e siguruara nga trafiku shërbyen si bonus i madh për sigurimin e pushtetit.
Ndërsa gjeneralit ia vari medaljen, tashmë duhet të bëhet gati edhe për një tjetër medalje edhe më të rëndësishme se “Ylli i Madh”. Ai është ylli në ngjitje i policisë shqiptare Ardi Veliu dh eish “ylli” HakiÇako. Që të dy drejtuesit e policisë sonë në Shtatë vitet e fundit mbajnë rekordin e zi nga gjelbërimi I kanabisit në çdo cep të Shqipërisë.
