Makina emblematike e Michael Schumacher në sezonin 2003 të Formula 1 u shit në ankand për shumën e majme të 13.2 milionë dollarëve. Një ankand në Gjenevë të Zvicrës u organizua për makinën e legjendës së Formula 1, me blerësin që ofroi më shumë se 13 milionë dollarë për ta pasur.
Modeli F-2003 GA 229 vendosi rekord për çmimin e arritur në tregun e makinave të F1. AFP bën me dije se lajmi për shitjen me këtë çmim u konfirmua nga shtëpia e ankandeve Southeby’s. Më herët makina e Schumacher që u përdor në 2001 u shit për 7.5 milionë dollarë, me ankandin e fundit që kishte vlerë sa dyfishi i makinës së vitit 2001.
#BREAKING Schumacher's 2003 F1-winning Ferrari fetches over $13 million at auction in Switzerland pic.twitter.com/J0cLEtJjaU
— AFP News Agency (@AFP) November 9, 2022
