Nga Boldnews.al
Erdhën zgjedhjet, “hapet thesi”. Të paktën në Elbasan, ku kryetari i bashkisë, Gledian Llatja, ka akorduldar një shumë të majme për të mbushur gropat në rrugë. Nëse deri më tani ai po vegjetonte, duke pritur investime “nga lart”, në vitin elektoral, ai do të mbushë gropat në rrugë dhe sheshe në qytete dhe fshatra. Por, nëse s’i ka bërë deri më tani, përse kujtohet në këtë kohë?! Apo zhvendosja e zyrave të bashkisë e ka çoroditur?
Por, duke pasur një “barrë” të rëndë, pasi është “hija” e paraardhësit, Qazim Sejdini, Llatja e ka pasur tepër të vështirë të drejtojë. Aq më tepër, duke pasur edhe mbështetjen e Taulant Ballës, i cili në shumë raste e ka nxjerrë nga situate. Megjithatë, veprimet e Llatjes, duke shpenzuar miliona euro për kamera sigurie në qytet dhe tashmë miliona të tjera për të mbushur gropat, lënë shumë për të dëshiruar. Aq sa është vënë në diskutim edhe rikandidimi, pavarësisht se ka suport të madh nga pas.
Sipas dokumenteve që disponon BoldNews.al, Bashkia e Elbasanit ka hapur një tender me objekt “rikonstruksion dhe riasfaltim i gjendjes ekzistuese të rrugëve dhe shesheve në Bashkinë Elbasan”. Pra, i rrugëve egzistuese, ku me investimin e ri vetëm sa do të mbushen gropat. Madje, në të njëjtin dokument shkruhet se investimi do të jetë në lagjey “Haxhias”, “Çlirimi”, “Shënkoll”, “Dyli Haxhire” dhe “Partizani”. Por, ai do të shtrihet edhe në Njësitë Administrative Shushicë, Shirgjan, Gjergjan, Bradashesh, Labinot Mal, Labinot Fushë, Papër. Një mori lagjesh dhe njësish ku do të ndërhyhet. Apo të paktën, në të gjithë Elbasanin! Por, me sa para’ do e rregullojë Elbasanin kryetari Gledian Llatja?! Në dokumente thuhet se fondi limit i këtij tenderi është 151.666.667 lekë pa TVSH. Ose me TVSH 1.5 milionë euro. Me këtë shumë, makinat e firmës që do kontraktohet vetëm sa do të qarkullojnë në këto njësi administrative dhe jo më ti rregullojnë. Nisur edhe nga fondi, gjithccka ka të bëjë me zgjedhjet, ku si ccdo herë, pushtetarët do të marrin gërshërët në dorë dhe do të përurojnë mbushjen e gropave!
Në dokumentet shoqëruese, Bashkia e Elbasanit ka listuar edhe vendet se ku do të ndërhyhet. “Qëllimi është ndërhyrja për përmirësimin e shtresave rrugore në rrugët egzistuese të brendshme, të rrisë cilësinë e lëvizjet së qytetarëve, përmirësojë qarkullimin e automjeteve dhe të rrisë sigurinë e lëvizjes. Me anë të kësaj ndërhyrje rritet qendrueshmëria e rrugës për një periudhë më afatgjatë, kundrejt një kostoje relativisht të ulët. Mënyra për përmirësimin e shtresave rrugore do të realizohet në varësi të kushteve fizike dhe teknike të rrugëve egzistuese” thuhet në këto dokumente. Më tej thuhet se gjendja teknike e shtresave konsumuese rrugore në këto segmente është jashtë standarit dhe lëvizja e automjeteve bëhet në vështirësi. “Në shumë raste dëmtimet e shtresave rruore janë dëmtuar deri në thellësi, në të cilat janë krijuar gropëzime dhe ccedime të konsiderueshme, të cilat në raste të veccanta bëhen shkak edhe për aksidente serioze në këto akse rrugore” thuhet në dokumente. Pra, e shkruar mjaft qartë se 1.5 milionë eurot do të jenë për mbushje gropash. Po përse këto sheshe dhe “rrugë” u harruan gjatë viteve?! Përse tani ky asfalt?
