Policia greke ka sekuestruar këtë të Mërkurë, 74 kg kanabis në kufirin me Shqipërinë.
Mediat greke raportojnë se dy shqiptarë janë pikasur nga policia në orët e para të mëngjesit teksa udhëtonin me makinë, ndërkohë që e hodhën drogën nga mjeti. Në tentativë për tu arretisur, njëri prej tyre ra në pranga.
Në kuadër të operacionit të koordinuar, ata arritën të arrestonin një 34-vjeçar, ndërkohë që sekuestruan 4 thasë me drogë që shqiptarët i kishin hedhur në një zonë rurale të Kastorisë me peshë totale 74 kg e 370 gram.
Gjithashtu, 34-vjeçarit shqiptar i janë konfiskuar dy aparate celularë dhe 200 euro. Ndaj tij është ngritur akuza për posedim dhe trafikim të lëndëve narkotike, ndërsa vijojnë hetimet për identifikimin dhe kapjen e bashkëpunëtorit të tij.
