Hansi Flick do të ketë probleme në ndërtimin e një reparti të avancuar në përputhje me pritshmërinë që ka ndaj Gjermaninë në Botërorin 2022. Shkak janë bërë dëmtimet e njëpasnjëshme të lojtarëve të cilët pritej të merrnin pjesë në këtë aktivitet.
Ndërsa pritet një përgjigje përfundimtare për Marko Reus, Flick ka humbur shërbimet fillimisht të Timo Werner e tani edhe të Lukas Nmecha. Sulmuesi i Volfsburgut është dëmtuar në duelin e fundjavës ndaj Borussia Dortmund dhe tani raportohet se do të mungojë për disa javë për shkak të këputjes së një tendine.
Kështu, Flick duhet të mendohet mirë tashmë për të ndërtuar repartin e avancuar ku i mungojnë shumë alternativa apo emra të cilët kishin luajtur rregullisht për Gjermaninë që kur ai mori drejtimin e saj.
