Një grup i dyshuar kriminal është goditur ditën e sotme në Francë.
Mësohet se grupi i përbërë nga 8 burra dhe 1 grua janë paraqitur përpara gjykatës së Montaubanit pasi akuzohen se janë përgjegjës për trafik të gjerë të lëndëve narkotike të kryer mes janarit dhe nëntorit 2021 midis Francës, Holandës dhe Marokut.
Individët e moshave nga 20 deri në 40 vjeç akuzohet se kanë trafikuar sasi të konsiderueshme kokaine dhe kanabisi, ndërsa është zbuluar se kreu i këtij grupimi kriminal ishte një shtetas 35-vjeçar, i cili ishte dënuar edhe më herët për trafikim droge dhe vrasje.
Përballë drejtësisë është vendosur edhe Stiljan S., 21-vjeçari shqiptar, i cili raportohet se ka kryer rreth 10 rrugë drejt Holandës në shërbim të grupit të trafikantëve të drogës, ndërsa ai akuzohet si një nga njerëzit më të afërt të kreut të bandës.
Sakaq, gjykata ka vendosur se i riu shqiptar do të vuajë 4 vjet burg, s dhe do të gjobitet me shifrën prej 10 mijë eurosh për veprat e kryera.
