Një aksident i rëndë ka ndodhur në afërsi të fshatit Kamenicë, Korçë.
Një motor është përplasur me një mjeti tip “Ford”.
Drejtuesi i motorit është plagosur dhe është dërguar në spitalin e Korçës.
“Më datë 09.11.2022, rreth orës 11:10, në aksin rrugor Korçë-Ersekë, pranë fshatit Kamenicë, Korçë, mjeti tip “Ford”, me drejtues shtetasin M. Q., është përplasur me një motomjet me drejtues shtetasin P. S., rreth 58 vjeç, nga fshati Dvoran, Korçë, i cili u dërgua në spitalin e Korçës, ku ndodhet nën kujdesin e mjekëve.”- njofton policia.
Drejtuesi i automjetit M. Q., është shoqëruar për veprime të mëtejshme procedurale.
Grupi hetimor po punon për përcaktimin e shkaqeve të aksidentit.
