Trajneri i Brazilit, Tite pranon se ai dhe stafi i tij ndoshta ‘gabuan’ me mbrojtësin e Juventus-it, Gleison Bremer, duke mos i vëzhguar më herët paraqitjet e tij në Serie A.
Qendërmbrojtësi nuk ishte grumbulluar kurrë nga Brazili dhe ishte në radarin e trajnerit të Italisë, Roberto Mancini, nëse do të arrinte të merrte pasaportën e tij në kohë.
Sidoqoftë, Seleçao më në fund e thirri atë disa muaj më parë dhe ai bëri mjaftueshëm përshtypje për të zënë një vend në skuadrën e Brazilit për Kupën e Botës në Katar.
“Bremer pati këtë mundësi të thirrej falë karrierës së tij dhe paraqitjeve të një niveli të lartë me Torino-n dhe Juventus-in”, tha Tite në një konferencë për shtyp. Ndoshta kemi gabuar dhe nuk e kemi vëzhguar nga afër, sepse ai e meritonte vëmendjen tonë shumë më herët.
“Kur ai mbërriti këtu, në ndeshjet dhe seancat stërvitore që bëmë së bashku, ai dha një ndjenjë të tillë sigurie. Ai është me të vërtetë një lojtar me cilësi të madhe”.
Deri më tani, Bremer ka luajtur vetëm një ndeshje me Brazilin, duke u aktivizuar për 45 minuta në miqësoren e fituar 3-0 ndaj Ganës më 23 shtator.
Bremer u emërua Mbrojtësi i Vitit në Serie A për sezonin 2021-22 në Torino, duke siguruar një transferim prej 50 milionë eurosh tek Juventus-i pas një ankandi që përfshiu Inter-in dhe Tottenham-in. 25-vjeçari ka qenë në Itali që kur u transferua në Torino nga Atletico Mineiro në vitin 2018.
