Një aksident ka ndodhur këtë të Martë në aksin rrugor Tepelenë-Gjirokastër, në vendin e quajtur “Mashkullorë”.
Policia njofton se shtetasi K. K., rreth 28 vjeç, dyshohet se ka humbur kontrollin mbi makinën duke dalë nga rruga.
Nga përplasja është dëmtuar drejtuesi i automjetit dhe pasagjerja, të cilët u transportuan në spitalin Rajonal Gjirokastër, për të marrë ndihmën mjekësore.
“Rreth orës 12:40, në aksin rrugor Tepelenë-Gjirokastër, në vendin e quajtur “Mashkullorë”, shtetasi K. K., rreth 28 vjeç, dyshohet se ka humbur kontrollin mbi drejtimin e mjetit dhe mjeti ka dalë nga rruga.Për pasojë është dëmtuar drejtuesi i automjetit dhe pasagjerja, shtetasja A. Xh., rreth 22 vjeçe, të cilët u transportuan në spitalin Rajonal Gjirokastër, për të marrë ndihmën mjekësore”, njofton policia.
Në vendngjarje ndodhet grupi hetimor dhe po punon për zbardhjen e shkaqeve të aksidentit.
