Skënderbeu dhe Flamurtari kanë ndarë pikët në një barazim 1-1 në stadiumin e qytetit të Korçës, me vlonjatët që janë kthyer përsëri në kreun e Kategorisë së Parë falë këtij rezultati.
Në një sfidë të luftuar mes dy skuadrave pretendente për ngjitjen në Superiore, ka qenë Skënderbeu ai që është shfaqur me kërkues në pjesën e parë, duke vënë në rrezik disa herë Kaloshin me gjuajtjet e Pusit. Por goli do të vinte vetëm në pjesën e dytë me një goditje me kokë të Temitope i cili dha avantazhin korçarëve.
Reagimi i vlonjatëve ishte i rrufeshëm pasi erdhi vetëm 3 minuta më vonë me Erik Flores i cili dërgoi topin pas krahëve të Ruçit. Më pas, ritmi i lojës ra disi dhe kjo bëri që të dy skuadrat të mos prodhonin më raste të rëndësishme deri në fundin e sfidës që dekretoi barazimin i cili kthen Flamurtarin në kreun e renditjes së Kategorisë së Parë me pikë të barabarta me Dinamon, 18 të tilla, ndërsa lë Skënderbeun në vendin e 5, me 5 pikë më pak se dy skuadrat e para.
