Tirana dhe Tim Vayrynen do të përballen në CAS në Lozanë për çështjen e famshme të 123 mijë eurove. Sipas shtypit të shkruar raportohet se CAS ka vendosur që gjatë muajit nëntor të shqyrtohet edhe padia e Tiranës kundër Vayrynes.
Bardheblutë kërkojnë që të prishet vendimi i FIFA-s për 123 mijë euro ndaj lojtarit filandez, ndërsa nga ana tjetër kërkon dëmshpërblim nga klubi ku luan aktualisht futbollisti, Kuopion Palloseura.
Çështja do të shqyrtohet më 29 nëntor dhe nëse kampionët ia dalin të fitojnë këtë “përballje” me shumë gjasa do të fitojnë dëmshpërblim nga skuadra aktuale e Vayrynes.
Çështja Tirana-Vayryne
Tim Vairinen i fitoi Tiranës 123 mijë euro në FIFA, si dhe rrezikon t’i bllokojë merkaton në tri sesione, nga janari, derisa bardheblutë të paguajnë shumën në fjalë.
Lojtari finlandez, që erdhi në janar 2021 dhe që qëndroi deri në maj, por që u zhduk pa lënë gjurmë në qershor 2021, muaj më parë kish çuar bardheblutë në FIFA dhe e ka fituar çështjen.
Në seancën e 27 janarit 2022, e zhvilluar në FIFA, pas ankesës së Tim Vairinenit, dolën në dritë disa probleme. Kështu, lojtari ka prishur në mënyrë të njëanshme kontratën.
Nga ana tjetër, futbollisti është mërzitur, sepse është ndëshkuar me gjobë dhe të shkonte të luante me ekipin U-21.
Klubi Tirana në fund të majit ka njoftuar FSHF-në për zhdukjen e futbollistit, ndërsa ky i fundit nuk paraqitej në stërvitje.
Pas korrespondencës mes palëve, Tiranës dhe Vairinenit, meqenëse nuk u gjet rruga, lojtari iu drejtua FIFA-s, ndonëse bardheblutë i kishin lënë afat fundin e korrikut.
