Gjendet i vdekur shqiptari Ylli Mera në Selanik. Mera ka qenë i zhdukur që prej datës 1 nëntor në Selanik.
Ai është gjetur i mbuluar nga gjethet në një zonë pyjore të Selanikut. Ndërkohë që ende nuk dihet shkaku i vdekjes së Merës. Por familjarët dyshojnë se ai është vrarë nga greku për të cilin punonte, pasi sipas tyre e trajtonte si skllav.
Zhdukja e 51-vjeçarit u raportua dy ditë më parë nga familjarët e 51-vjeçarit, të cilët kanë kërkuar publikimin e të dhënave të njeriut të afërt në mënyrë që të mund të përshpejtohet gjetja e tij. Ditën e zhdukjes Ylli Mera ndodhej në punë, por për shkak të plagosjes së partneres së tij, ai u largua nga puna dhe shkoi në stacionin e autobusit lokal për t’u kthyer në banesë, por që atëherë nuk u pa më.
