Mbrëmjen e djeshme qyteti i Kamzës u trondit nga të shtëna me armë zjarri.
Gjithçka ndodhi në rrugën “Donald Trump”, ku sipas policisë një shtetas ende i paidentifikuar ka qëlluar me armë teksa lëvizte si pasagjer në një motor.
“I ulur pas në motomjet, ka qëlluar me armë zjarri. Nga veprimet e para hetimore rezulton se ka qëlluar në drejtim të automjeteve të parkuara, për pasojë, dy automjete kanë pësuar dëmtime”, njofton policia.
Shërbimet e Policisë janë vënë në ndjekje të autorit të dyshuar.
Grupi hetimor nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes, si dhe për identifikimin e kapjen e autorit/ëve.
